​ຂໍ້ກຳນົດໂປຣແກຮມໂບນັສຂອງບໍລິການ Maxim

1. ຂໍ້ກຳນົດເຫຼົ່ານີ້ແມ່ນໄດ້ກຳນົດໄວ້ສຳລັບຜູ້ໃຊ້ບໍລິການ Maxim ທຸກຄົນ, ເຊິ່ງຖືເປັນຂໍ້ສະເໜີຢ່າງເປັນທາງການຂອງບໍລິການ Maxim ທີ່ປະກອບມີເງື່ອນໄຂທັງໝົດຂອງໂປຣແກຣມໂບນັສ. 

2. ເງື່ອນໄຂທີ່ໃຊ້ໃນຂໍ້ກຳນົດ.

2.1. “ຜູ້ເຂົ້າຮ່ວມ” ໝາຍເຖິງຜູ້ໃຊ້ທີ່ນໍາໃຊ້ບໍລິການຂອງ Maxim.

2.2. “ຜູ້ເຂົ້າຮ່ວມໃໝ່” ໝາຍເຖິງຜູ້ໃຊ້ທີ່ນໍາໃຊ້ບໍລິການຂອງ Maxim ເປັນຄັ້ງທຳອິດ, ເຊິ່ງຍັງບໍ່ເຄີຍເປີດໃຊ້ງານລະຫັດໂປຣໂມຊັນຂອງບໍລິການ Maxim ມາກ່ອນ ແລະ ຍັງບໍ່ເຄີຍທຳການອໍເດີ້ຜ່ານແອັບ (ຈາກເບີໂທທີ່ເຊື່ອມຕໍ່ກັບແອັບ) ຫຼື ຜ່ານທາງໂທລະສັບມືຖືມາກ່ອນ.

2.3. “ຜູ້ໃຊ້” ໝາຍເຖິງບຸກຄົນທີ່ອໍເດີ້ການບໍລິການຂອງ Maxim ຕາມຂໍ້ກຳນົດ ແລະ ເງື່ອນໄຂທີ່ກຳນົດໄວ້ໃນກົດລະບຽບການເຮັດວຽກຂອງບໍລິການ Maxim.

2.4. “ລະຫັດໂປຣໂມຊັນ” ໝາຍເຖິງລໍາດັບຕົວອັກສອນ ແລະ ຕົວເລກທີ່ຖືກສ້າງຂຶ້ນຢູ່ໃນແອັບທີ່ມີຈຸດປະສົງເພື່ອນຳໃຊ້ສ່ວນບຸກຄົນໂດຍຜູ້ເຂົ້າຮ່ວມໂປຣແກຣມໂບນັສ ຫຼື ເພື່ອແລກປ່ຽນລະຫວ່າງຜູ້ເຂົ້າຮ່ວມໂປຣແກຣມໂບນັສ. ລະຫັດໂປຣໂມຊັນຈະລະບຸຜູ້ສົ່ງ ແລະ ຜູ້ຮັບ, ສະໜອງໂບນັສ ແລະ ຊ່ວຍໃຫ້ສາມາດເຂົ້າຮ່ວມໂປຮໂມຊັນຂອງບໍລິການ Maxim ໄດ້. ລະຫັດໂປຣໂມຊັນສາມາດໃຊ້ໄດ້ສະເພາະໃນປະເທດທີ່ສ້າງຂຶ້ນເທົ່ານັ້ນ. ໃນການເປີດໃຊ້ງານລະຫັດໂປຣໂມຊັນແມ່ນໃຫ້ຕື່ມລະຫັດໂປຣໂມຊັນໃສ່ຊ່ອງທີ່ກ່ຽວຂ້ອງຢູ່ໃນແອັບ Maxim.

2.5. “ກີບໂບນັສ” ໝາຍເຖິງຫົວໜ່ວຍທົ່ວໄປທີ່ຄິດໄລ່ເປັນເງິນກີບລາວ (ເງິນ 1 ກີບໂບນັສ ແມ່ນເທົ່າກັບ 1 ກີບ) ເຊິ່ງສາມາດໃຊ້ເປັນສ່ວນຫຼຸດໄດ້ສູງສຸດເຖິງ 10%, ນອກຈາກວ່າໄດ້ລະບຸເປັນຢ່າງອື່ນໄວ້ໃນສື່ໂຄສະນາ ແລະ/ຫຼື ຂໍ້ກຳນົດເຫຼົ່ານີ້ ເພື່ອຊຳລະການຂັບຂີ່ເດີນທາງຕາມຕົວເລືອກທີ່ມີຢູ່. ກີບໂບນັສ ບໍ່ສາມາດນຳມາແລກປ່ຽນເປັນເງິນສົດໄດ້ ແລະ ສາມາດນຳໃຊ້ໄດ້ໃນໄລຍະເວລາທີ່ຈຳກັດຕາມທີ່ໄດ້ກຳນົດໄວ້ຂໍ້ກຳນົດເຫຼົ່ານີ້.

2.6. “ກີບຂອງຂັວນ” ໝາຍເຖິງຫົວໜ່ວຍທົ່ວໄປທີ່ຄິດໄລ່ເປັນເງິນກີບລາວ (ເງິນ 1 ກີບຂອງຂັວນ ແມ່ນເທົ່າກັບ 1 ກີບ) ເຊິ່ງສາມາດນຳໄປໃຊ້ຊຳລະຄ່າອໍເດີ້ຕາມຕົວເລືອກທີ່ມີຢູ່ໄດ້ເຖິງ 100% ຂອງລາຄາອໍເດີ້, ໂດຍມີເງື່ອນໄຂວ່າລາຄາຈະຕ້ອງບໍ່ເກີນມູນຄ່າ (ຈຳນວນ) ຂອງເງິນກີບຂອງຂັວນ.

2.7. “ບັນຊີສ່ວນຕົວ” ໝາຍເຖິງບັນຊີອອນໄລນ໌ຂອງຜູ້ໃຊ້ແອັບ Maxim ທີ່ສ້າງຂຶ້ນໂດຍການບໍລິການ Maxim, ເຊິ່ງການຈ່າຍເງິນລ່ວງໜ້າ ແລະ ຈຳນວນເງິນທີ່ຖືກຕັດ (ຫັກອອກ) ຈາກການຈ່າຍເງິນເຫຼົ່ານີ້ແມ່ນຈະຖືກບັນທຶກເປັນການຈ່າຍເງິນສຳລັບການອໍເດີ້ຕາມຕົວເລືອກທີ່ມີຢູ່.

2.8. “ສ່ວນຫຼຸດ” ໝາຍເຖິງສ່ວນຫຼຸດທີ່ສະໜອງໃຫ້ແກ່ຜູ້ໃຊ້ບໍລິການຂອງ Maxim ໃນຈຳນວນທີ່ກຳນົດໄວ້ ເມື່ອມີການປະກາດຂໍ້ມູນກ່ຽວກັບຄວາມຕ້ອງການທີ່ອາດມີຂອງຜູ້ໃຊ້ໃນການອໍເດີ້ຕາມຕົວເລືອກທີ່ມີຢູ່ຜ່ານແອັບ Maxim.

2.9. "ໂປຣໂມຊັນ" ຫມາຍເຖິງການໂຄສະນາ ແລະ ກິດຈະກໍາການຕະຫຼາດຕ່າງໆທີ່ປະກາດໂດຍການບໍລິການ Maxim. ໃນການເປັນສ່ວນຫນຶ່ງຂອງການມີສ່ວນຮ່ວມໃນໂປຣໂມຊັນ, ຜູ້ໃຊ້ສາມາດໄດ້ຮັບລະຫັດໂປໂມຊັ່ນ, ສ່ວນຫຼຸດ ແລະ ສິດທິພິເສດອື່ນໆຕາມທີ່ໄດ້ກຳນົດໃນຂໍ້ກຳນົດເຫຼົ່ານີ້.

3. ປະເພດຂອງໂບນັສ.

3.1. "ໂບນັສຜູ້ໃຊ້ໃຫມ່". ຜູ້ເຂົ້າຮ່ວມໃໝ່ໄດ້ໃສ່ລະຫັດໂປຣໂມຊັນຈາກສື່ໂຄສະນາຂອງບໍລິການ Maxim ໃນແອັບ Maxim. ຫຼັງຈາກການເປີດໃຊ້ລະຫັດໂປຣໂມຊັນສຳເລັດແລ້ວ, ຈຳນວນເງິນ ກີບໂບນັສ ທີ່ລະບຸໄວ້ໃນສື່ໂຄສະນາຈະຖືກໂອນເຂົ້າບັນຊີຜູ້ເຂົ້າຮ່ວມໃໝ່ ແລະ ສາມາດນຳໃຊ້ເພື່ອຊຳລະຄ່າການເດີນທາງໄດ້ພາຍໃນ 90 ວັນນັບຈາກເວລາທີ່ໄດ້ຮັບເງິນ ກີບໂບນັສ ເຂົ້າບັນຊີ.

3.2. "ໂບນັສຜູ້ໃຊ້ຄັ້ງທໍາອິດ". ຜູ້ເຂົ້າຮ່ວມໃໝ່ ແລະ/ຫຼື ຜູ້ເຂົ້າຮ່ວມທີ່ບໍ່ທັນໄດ້ທໍາການອໍເດີ້ໃດໆໂດຍໃຊ້ເບີໂທລະສັບຂອງລາວ ແລະ ບໍ່ທັນໄດ້ເປີດໃຊ້ລະຫັດໂປຣໂມຊັນການບໍລິການ Maxim ພາຍໃນໄລຍະເວລາທີ່ລະບຸໄວ້ໃນສື່ໂຄສະນາ, ໄດ້ໃສ່ລະຫັດໂປຣໂມຊັນທີ່ເອົາມາຈາກສື່ໂຄສະນາການບໍລິການ Maxim ໃນແອັບ Maxim. ຫຼັງຈາກເປີດໃຊ້ລະຫັດໂປຣໂມຊັນສຳເລັດແລ້ວ, ຜູ້ເຂົ້າຮ່ວມ ຫຼື ຜູ້ເຂົ້າຮ່ວມໃໝ່ທີ່ຢູ່ໃນເງື່ອນໄຂທີ່ກຳນົດໄວ້ໃນວັກນີ້ຈະໄດ້ຮັບເງິນ ກີບໂບນັສ ຈຳນວນທີ່ລະບຸໄວ້ໃນສື່ໂຄສະນາ, ເຊິ່ງສາມາດນຳໃຊ້ເພື່ອຊຳລະຄ່າສັ່ງຊື້ໄດ້ພາຍໃນ 90 ວັນນັບຈາກວັນທີ່ໄດ້ຮັບເງິນໂບນັສ.

3.3. “ໃຫ້ໝູ່ໄດ້ເດີນທາງ”. ຜູ້ເຂົ້າຮ່ວມຈະສ້າງລະຫັດໂປຣໂມຊັນສ່ວນຕົວຢູ່ໃນແອັບ Maxim ແລະ ມອບມັນໃຫ້ກັບຜູ້ເຂົ້າຮ່ວມໃໝ່. ເຊິ່ງຫຼັງຈາກເປີດໃຊ້ງານລະຫັດໂປຣໂມຊັນໃນແອັບເທິງໂທລະສັບຂອງພວກເຂົາແລ້ວ, ຜູ້ໃຊ້ໃໝ່ (ຜູ້ຮັບລະຫັດ) ຈະໄດ້ຮັບເງິນໂບນັສ 100000 ກີບ. ສ່ວນຜູ້ເຂົ້າຮ່ວມທີ່ເປັນຜູ້ໃຫ້ລະຫັດກໍຈະໄດ້ຮັບເງິນຈຳນວນ 20000 ກີບໂບນັສ ຕໍ່ກັບການເປີດໃຊ້ງານລະຫັດໂປຣໂມຊັນສຳເລັດໃນແຕ່ລະຄັ້ງໂດຍຜູ້ເຂົ້າຮ່ວມໃຫມ່, ໂດຍທີ່ຜູ້ເຂົ້າຮ່ວມໃໝ່ແມ່ນໄດ້ເດີນທາງຢ່າງນ້ອຍ 3 ຄັ້ງຜ່ານແອັບ Maxim ພາຍໃນຊ່ວງເວລາ 90 ວັນ. ເງິນ ກີບໂບນັສ ຈະຖືກໂອນເຂົ້າໃນບັນຊີສ່ວນຕົວຂອງຜູ້ໃຊ້ ແລະ ສາມາດໃຊ້ຊຳລະຄ່າເດີນທາງໄດ້ພາຍໃນ 90 ວັນ.

3.4. “ແຄັມເປນລະຫັດໂປຣໂມຊັນ”. ຜູ້ໃຊ້ແອັບ Maxim ໄດ້ຮັບລະຫັດໂປຣໂມຊັນສຳລັບການເຂົ້າຮ່ວມໃນ ໂປຣໂມຊັນແຄມເປນ ຂອງການບໍລິການ Maxim. ຫຼັງຈາກເປີດໃຊ້ລະຫັດໂປຣໂມຊັນແລ້ວ, ຜູ້ໃຊ້ຈະກາຍເປັນຜູ້ເຂົ້າຮ່ວມຂອງ ໂປຣໂມຊັນແຄັມເປນ, ໂດຍທີ່ເງິນກີບໂບນັສ ແລະ ເງິນກີບຂອງຂັວນຈະບໍ່ຖືກໂອນເຂົ້າສຳຫຼັບການເປີດໃຊ້ງານ. ຜູ້ໃຊ້ແອັບ Maxim ຈະຖືກແຈ້ງໃຫ້ຮູ້ຕື່ມອີກກ່ຽວກັບໄລຍະເວລາ ແລະ ຂັ້ນຕອນການເປີດໃຊ້ລະຫັດໂປຣໂມຊັນ, ເຊັ່ນດຽວກັນກັບຂໍ້ກໍານົດ ແລະ ເງື່ອນໄຂ, ຂັ້ນຕອນ ແລະ ໄລຍະເວລາຂອງ ໂປຣໂມຊັນແຄັມເປນ.

3.5. “ລາງວັນລະຫັດໂປຣໂມຊັນ”. ຜູ້ໃຊ້ແອັບ Maxim ຈະໄດ້ຮັບລະຫັດໂປຣໂມຊັນເປັນລາງວັນສຳລັບການເຂົ້າຮ່ວມຂໍ້ສະເໜີໂປຣໂມຊັນຂອງບໍລິການ Maxim. ຫຼັງຈາກເປີດໃຊ້ລະຫັດໂປຣໂມຊັນ, ເງິນກີບຂອງຂວັນ ຫຼື ກີບໂບນັສປະເພດທີ່ລະບຸໄວ້ໃນຂໍ້ກຳນົດ ແລະ ເງື່ອນໄຂຂອງຂໍ້ສະເໜີໂປຣໂມຊັນຈະຖືກໂອນເຂົ້າບັນຊີສ່ວນຕົວຂອງຜູ້ໃຊ້ ແລະ ສາມາດນຳໃຊ້ເພື່ອຊໍາລະຄ່າອໍເດີ້ຕາມຕົວເລືອກທີ່ມີຢູ່. ຈໍານວນເງິນກີບໂບນັສ ແລະ ໄລຍະເວລາຂອງການນໍາໃຊ້ແມ່ນຖືກກໍານົດໂດຍຂໍ້ກໍານົດ ແລະ ເງື່ອນໄຂຂອງຂໍ້ສະເໜີໂປຣໂມຊັນ.

3.6. “ລະຫັດໂປຣໂມຊັນຂອງຂວັນ”. ຜູ້ໃຊ້ແອັບ Maxim ສ້າງລະຫັດໂປຣໂມຊັນໂດຍໃຊ້ປຸ່ມສ້າງ ລະຫັດໂປຣໂມຊັນຂອງຂວັນ (ຕົວເລືອກນີ້ມີໃຫ້ຢູ່ໃນແອັບ) ແລະ ລະບຸມູນຄ່າຂອງມັນເປັນສະກຸນ ກີບຂອງຂວັນ ດ້ວຍຕົນເອງ. ຈຳນວນເງິນ ກີບລາວ ທີ່ເທົ່າກັບຈຳນວນເງິນ ກີບຂອງຂັວນ ແມ່ນຈະຖືກຫັກຈາກບັນຊີສ່ວນຕົວ ຫຼື ບັດທະນາຄານທີ່ໄດ້ເຊື່ອມຕໍ່ຂອງຜູ້ໃຊ້. ໂດຍຜູ້ໃຊ້ຈະໂອນລະຫັດໂປຣໂມຊັນຂອງລາວໄປຫາຜູ້ຮັບ, ເຊິ່ງສາມາດເປີດນຳໃຊ້ງານລະຫັດໂປຣໂມຊັນໄດ້ດ້ວຍວິທີໃດໜຶ່ງ. ຫຼັງຈາກເປີດໃຊ້ງານແລ້ວ, ເງິນກີບຂອງຂັວນໃນຈຳນວນມູນຄ່າຕາມ ລະຫັດໂປຣໂມຊັນຂອງຂັວນ ຈະຖືກໂອນເຂົ້າບັນຊີສ່ວນຕົວຂອງຜູ້ຮັບ.

4. ຂໍ້ກໍານົດ ແລະ ເງື່ອນໄຂເພີ່ມເຕີມສໍາລັບການນໍາໃຊ້ລະຫັດໂປຣໂມຊັນ, ເງິນກີບໂບນັສ ແລະ ກີບຂອງຂັວນອາດຈະຖືກລະບຸໄວ້ໃນສື່ໂຄສະນາຂອງບໍລິການ Maxim.

5. ການບໍລິການ Maxim ໄດ້ສະໜອງຂໍ້ມູນກ່ຽວກັບຂໍ້ກຳນົດ, ໄລຍະເວລາ ແລະ ເງື່ອນໄຂຂອງໂປຣແກຣມໂບນັສໃນແອັບ Maxim ແລະ ທີ່ taximaxim.com/app.