Ба қафоМаълумоти ҳуқуқӣ
Ба қафоМаълумоти ҳуқуқӣ

Созишномаи иҷозатномавӣ


1. Муқаррароти умумӣ
1.1. Ҳамин Созишнома тартиби аз тарафи хадамоти “Максим” (минбаъд – Хадамот), ки аз номи он дар ҳудуди Ҷумҳурии Тоҷикистон ҷамъияти дорои масъулияти маҳдуди «Ширкати хизматрасонии иттилоотӣ», РМА 020051164, шахси ҳуқуқии тибқи қонунгузории Ҷумҳурии Тоҷикистон таъсисёфта амал менамояд, пешниҳод шудани ҳуқуқи истифодаи пойгоҳи маълумотеро, ки дар бораи талаботи мавҷуда ба хизматрасонии интиқоли мусофирон ва бағоҷ, хизматрасонии интиқоли бор ва корҳои боркунию борфурорӣ маълумоти аҳамиятнокро дар бар мегирад, муайян менамояд
1.2. Агар бо шартномаи алоҳидаи Тарафҳо тартиби дигар пешбинӣ нашуда бошад, Созишнома тибқи моддаи 460 ва моддаи 27 Қонуни ҶТ “Дар бораи ҳуқуқи муаллиф ва ҳуқуқҳои вобаста ба он” шартномаи ҳамроҳшавӣ буда, бо тартиби содда ва бо роҳи ҳамроҳшавӣ ба шартҳои Созишнома, ки дар шакли электронӣ дар сомонаи Хадамот дар шабакаи Интернет дар суроғаҳои https://taximaxim.tj ва https://taximaxim.com ҷойгир гардидааст, баста мешавад. Шахсе, ки расмиёти бақайдгирии дар Созишнома тавсифшударо гузаштааст, Созишномаро қабулкарда ба ҳисоб меравад ва ин амал ба бастани шартнома бо шартҳое, ки дар ҳамин ҳуҷҷат баён шудаанд, баробар шуморида мешавад.
1.3. Пеш аз расмиёти бақайдгириро гузаштан бо матни Созишнома ва замимаҳо ба он бодиққат шинос шавед. Дар ҳолати ба ягон шарт розӣ набудан, Шуморо зарур аст, ки аз истифодаи пойгоҳи маълумот даст кашед.
1.4. Созишнома шартномаи субиҷозатномадиҳӣ буда, нисбат ба он муқаррароти дар моддаҳои 25, 26 ва 27 Қонуни ҶТ “Дар бораи ҳуқуқи муаллиф ва ҳуқуқҳои вобаста ба он” муқарраргардида истифода бурда мешавад.
1.5. Тартиби истифодаи пойгоҳи маълумоти Хадамот, ки дар шакли электронӣ дар сомонаи Хадамот ҷойгир гардидааст, қисми ҷудонашавандаи Созишнома мебошад.
1.6. Қабули шартҳои ҳамин Созишнома розӣ будан бо Сиёсати махфият ҳангоми истифодаи замимаи мобилии Taxsee Driver, ки дар шабакаи Интернет дар суроғаҳои https://taximaxim.tj/term/policy-driver/ ва https://taximaxim.com/term/policy-driver/ ҷойгир гардидааст, шуморида мешавад.
2. Мавзӯи Созишнома
2.1. Тибқи шартҳои Созишнома, Хадамот ба Шарик ҳуқуқи истифодаи пойгоҳи маълумотеро, ки дар бораи талаботи мавҷуда ба хизматрасонии интиқоли мусофирон ва бағоҷ, хизматрасонии интиқоли бор ва корҳои боркунию борфурорӣ маълумоти аҳамиятнокро дар бар мегирад, ба шартҳои иҷозатномаи оддӣ (муқаррарӣ) ва бо тарзҳои муқаррарнамудаи Созишнома пешниҳод менамояд. Шарик уҳдадор мешавад, ки ба Хадамот бо тартиб ва ба андозаи муқаррарнамудаи Созишнома ё замимаҳо ба он подошпулӣ пардохт намояд.
2.2. Дар доираи Созишнома таҳти пойгоҳи маълумот сохтори ташкилие фаҳмида мешавад, ки аз маҷмуи мавод, воситаҳои таъминоти техникӣ, барномавӣ ва дастгоҳӣ, инчунин усулҳо ва алгоритмҳо (рамзи барномавӣ) иборат буда, онҳо ҳамкории унсурҳои пойгоҳи маълумотро таъмин менамоянд ва мувофиқи алгоритми пойгоҳи маълумот барои мураттабсозӣ, нигаҳдорӣ, коркард ва табдили мавод пешбинӣ шудаанд. Ба маводи пойгоҳи маълумот тавассути замимаи мобилии Taxsee Driver дастрасӣ пайдо кардан мумкин аст.
2.3. Фаъолияти Хадамот ҷиҳати ҷамъоварию нигаҳдорӣ ва мураттабсозии иттилоот, ташкили пойгоҳи маълумот, инчунин муносибатҳои ҳуқуқӣ дар байни Шарик ва Хадамот барои пешниҳоди дастрасӣ ба пойгоҳи маълумот тибқи муқаррароти Қонуни ҶТ “Дар бораи Иттилоот”, қонуни ҶТ “Дар бораи ҳифзи иттилоот” ба роҳ монда мешавад.
2.4. Тибқи моддаи 8-и Қонуни ҶТ “Дар бораи иттилоот” Субъектҳои муносибатҳои иттилоотӣ ба имконияти озодона гирифтан, истифода намудан, паҳн кардан ва ҳифз намудани маълумоте, ки ҷиҳати татбиқи ҳуқуқ, озодӣ ва манфиатҳои қонунӣ, анҷом додани мақсад ва вазифаҳои онҳо заруранд, ҳуқуқ доранд.
2.5. Иттилоотеро, ки Шарик ба он дастрасӣ пайдо мекунад, мувофиқи салоҳдиди худ истифода бурда метавонад.
2.6. Пойгоҳи маълумот аз маводи зерин иборат аст:
2.6.1. Иттилооти аҳамиятнок дар бораи талаботи мавҷуда ба хизматрасонии интиқоли мусофирон ва бағоҷ;
2.6.2. Иттилооти аҳамиятнок дар бораи талаботи мавҷуда ба хизматрасонии интиқоли бор;
2.6.3. Иттилооти аҳамиятнок дар бораи талаботи мавҷуда ба корҳои боркунию борфурорӣ.
2.7. Маводи пойгоҳи маълумот чунин хусусиятҳо дорад:
2.7.1. Маълумот дар бораи талаботи мавҷуда ба хизматрасонии интиқоли мусофирон ва бағоҷ:
- суроғаи ҷои фиристодани автомобил;
- категорияи воситаи нақлиёт;
- суроғаи ҷои анҷоми сафар ё масофаи сафар;
- тарифи истифодашаванда;
- арзиши ҳисобии сафар;
- иттилооти тамоси шахси фармоишгузошта.
2.7.2. Маълумот дар бораи талаботи мавҷуда ба хизматрасонии интиқоли бор:
- суроғаи ҷои фиристодани автомобил;
- намуди бор;
- суроғаи ҷои анҷоми сафар ё масофаи таҳвил;
- тарифи истифодашаванда;
- арзиши ҳисобии таҳвил;
- иттилооти тамоси шахси фармоишгузошта.
2.7.3. Маълумот дар бораи талаботи мавҷуда ба корҳои боркунию борфурорӣ:
- суроғаи ҷои иҷрои корҳои боркунию борфурорӣ;
- намуди бор;
- иттилооти тамоси шахси фармоишгузошта.
2.8. Ҳудуде, ки дар он ҳуқуқи истифодаи пойгоҳи маълумот пешниҳод мегардад, Ҷумҳурии Тоҷикистон мебошад.
2.9. Дастрасӣ ба пойгоҳи маълумот тавассути таъминоти барномавии махсус, ки Хадамот пешниҳод менамояд, яъне барномаҳо барои МЭҲ Taxsee Driver таъмин мегардад.
3. Тартиби бақайдгирӣ дар сомонаи Хадамот
3.1. Барои гирифтани дастрасӣ ба пойгоҳи маълумот расмиёти бақайдгириро дар сомонаи Хадамот мустақилона бо истифодаи шабакаи Интернет ё аз рӯи маҳали ҷойгиршавии офиси Хадамот гузаштан лозим аст.
3.2. Бақайдгирӣ дар сомонаи Хадамот ҳамроҳшавии пурра ва бечунучаро ба шартҳои Созишнома мебошад.
3.3. Бақайдгирӣ тавассути пур кардани шакли махсус дар сомонаи Хадамот амалӣ мегардад. Дар раванди бақайдгирӣ Хадамот пешниҳоди ҳуҷҷатҳоеро, ки дурустии маълумоти зикршударо тасдиқ мекунанд, талаб карда метавонад.
3.4. Бақайдгирӣ мувофиқи салоҳдиди Хадамот амалӣ мегардад. Пешниҳоди маълумоту ҳуҷҷатҳое, ки барои бақайдгирӣ заруранд, ба уҳдадории қатъии Хадамот ҷиҳати иҷрои расмиёти бақайдгирӣ боис намешавад.
3.5. Расмиёти бақайдгирӣ бо додани рақами мушаххаси истифодабаранда (логин) ва парол, ки барои дастрасии иҷозатдодашуда ба пойгоҳи маълумот заруранд, анҷом меёбад. Рақами мушаххаси истифодабаранда (логин) ва парол аз тарафи Хадамот тавассути рақами телефони мобилӣ, ки дар раванди бақайдгирӣ нишон дода шудааст, фиристода мешавад.
3.6. Хадамот маълумоти шахсӣ ва ҳуҷҷатҳоро дар раванди бақайдгирӣ танҳо бо мақсади санҷиши дурустии маълумоти пешниҳодшаванда талаб мекунад ва баъди анҷоми расмиёти бақайдгирӣ нигоҳ намедорад.
3.7. Хадамот маълумоти зеринро дар бораи шахсоне, ки дар сомонаи Хадамот ба қайд гирифта шудаанд, нигоҳ дошта, истифода мебарад ва он маълумоти шахсӣ нест:
3.7.1. Тахаллуси истифодабаранда (ник) – ҳамагуна мувофиқати ҳарфӣ, ки ҳангоми бақайдгирӣ навишта шудааст. Тахаллусро Шарик мувофиқи салоҳдиди худ менависад ва Хадамот онро таҳрир намекунад;
3.7.2. Рақами мушаххаси (логини) истифодабаранда;
3.7.3. Тамға, ранг ва қисми рақамии аломати қайди давлатии автомобил;
3.7.4. Рақами телефони мобилӣ, ки ҳангоми бақайдгирӣ нишон дода шудааст.
3.8. Шарик дар сомонаи Хадамот худро ба қайд гузошта, барои гирифтани хабарҳои иттилоотӣ, инчунин иттилооти рекламавӣ бо ҳамагуна тарз, аз ҷумла ба воситаи шабакаҳои алоқаи телефон ва хабарҳо тавассути интернет-мессенҷерҳо (Viber, WhatsApp, Telegram ва монанди ин) бо мақсад ва дар ҳолатҳои пешбининамудаи зарурати чунин розигӣ дар қонунгузорӣ дар бораи реклама розигӣ медиҳад.
4. Подошпулии Хадамот
4.1. Шарик барои пешниҳоди ҳуқуқи истифодаи пойгоҳи маълумот уҳдадор мешавад, ки ба андоза ва ба шартҳои муқаррарнамудаи тартиби истифодаи пойгоҳи маълумот ба Хадамот подошпулӣ пардохт намояд.
5. Кафолати Хадамот
5.1. Хадамот кафолат медиҳад, ки:
5.1.1. Ҳаҷми кофии ҳуқуқҳоро барои иҷрои уҳдадориҳои худ аз рӯи Созишнома дар ихтиёр дорад;
5.1.2. Иҷрои Созишнома аз ҷониби Тарафҳо ба вайрон шудани ҳуқуқҳои зеҳнии шахсони сеюм боис намешавад;
5.1.3. Ба ягон шартномае, ки барои аз тарафи Шарик мувофиқи шартҳои дар Созишнома муқарраршуда истифода гардидани пойгоҳи маълумот халал мерасонад, алоқаманд нест;
5.1.4. Ягон амалеро, ки барои аз тарафи Шарик мувофиқи шартҳои дар Созишнома муқарраршуда истифода гардидани пойгоҳи маълумотро ғайриимкон мегардонад, содир накардааст ва содир намекунад.
6. Тарзҳо ва тартиби истифодаи пойгоҳи маълумот
6.1. Шарик пойгоҳи маълумотро бо тарзҳои зерин истифода мебарад:
6.1.1. Гирифтани иттилоот аз пойгоҳи маълумот ва истифодаи ин иттилоот дар фаъолияти худ, аз ҷумла пешниҳоди дастрасӣ ба ин иттилоот ба шахсони сеюм (кормандону контрагентҳои худ ва ғ.);
6.1.2. Дар ҳамагуна шакл ва бо ҳамагуна тарз пурра ё қисман дубора ҳосил кардан;
6.1.3. Тағирдиҳӣ, аз ҷумла тарҷумаи пойгоҳи маълумот аз як забон ба забони дигар.
7. Ҳуқуқу уҳдадории Тарафҳо
7.1. Ҳуқуқҳои Хадамот:
7.1.1. Аз Шарик бо тартиб ва тарзҳои пешбининамудаи Созишнома истифода бурдани пойгоҳи маълумотро талаб намояд;
7.1.2. Дар бораи ба шахсони сеюм додани ҳуқуқи истифодаи пойгоҳи маълумот, аз ҷумла дар ҳамон ҳудуде, ки дар он ҳуқуқи истифодаи пойгоҳи маълумот ба ихтиёри Шарик гузошта шудааст, ба мисли ҳамин Созишнома шартномаҳо бандад;
7.1.3. Дастрасии Шарикро ба пойгоҳи маълумот дар ҳолати аз тарафи ӯ вайрон шудани шартҳо ва муҳлатҳои пардохти подошпулӣ ба Хадамот то ворид намудани пардохт боздорад;
7.1.4. Дастрасии Шарикро ба пойгоҳи маълумот дар ҳолати аз тарафи Хадамот дастрас гардидани ҳуҷҷатҳое, ки дар бораи истифодаи ғайриқонунии иттилооти пойгоҳи маълумот далолат медиҳанд, боздорад. Дастрасӣ ба пойгоҳи маълумот дар асоси ҳукму қарорҳои суд, ки мавриди амал қарор гирифта, далели ба вайронкунӣ даст задани Шарикро муайян менамоянд, боздошта мешавад. Ҳуҷҷатҳои зикршуда бояд дар шакли асл ё нусхаи аз тарафи суди дахлдор тасдиқгардида пешниҳод карда шаванд. Дастрасии Шарик ба пойгоҳи маълумот то бартараф шудани вайронкуниҳои ошкоргардида боздошта мешавад.
7.2. Уҳдадориҳои Хадамот:
7.2.1. Фаъолияти мунтазам ва беисти пойгоҳи маълумотро дар давоми ҳамаи муҳлати амали Созишнома таъмин намояд.
7.3. Ҳуқуқҳои Шарик:
7.3.1. Пойгоҳи маълумотро бо тартиб ва тарзҳои пешбининамудаи Созишнома истифода барад;
7.3.2. Аз Хадамот бартараф намудани ҳамагуна вазъиятҳоеро, ки ба истифодаи пойгоҳи маълумот халал мерасонанд, талаб кунад.
7.4. Уҳдадориҳои Шарик:
7.4.1. Бо тартиб ва тарзҳои муқаррарнамудаи тартиби истифодаи пойгоҳи маълумот ба Хадамот подошпулӣ пардохт намояд.
7.5. Шарик дар бораи истифодаи пойгоҳи маълумот ба Хадамот ҳисобот пешниҳод намекунад.
8. Ҷавобгарии Тарафҳо
8.1. Тарафҳо барои вайрон намудани шартҳои Созишнома тибқи қонунгузории ҶТ ба ҷавобгарӣ кашида мешаванд.
9. Тартиби ҳалли баҳсҳо
9.1. Тарафҳо уҳдадор мешаванд, ки барои танзими осоишта ва бо роҳи гуфтушунид ҳал намудани ҳамагуна баҳсу ихтилофоте, ки аз Созишнома ба миён меоянд, тамоми чораҳоро андешанд.
9.2. Муҳлати ҷавоб ба иддао ва муҳлати пешниҳоди ҳуҷҷатҳое, ки барои танзими осоиштаи баҳсу ихтилофот фиристода шудаанд, набояд аз 7 (ҳафт) рӯзи корӣ аз лаҳзаи гирифтани чунин иддао аз ҷониби як Тараф ва пайдо шудани зарурати пешниҳоди ҳуҷҷатҳои зикршуда зиёд бошад.
9.3. Агар Тарафҳо дар мавриди баҳсу ихтилофоти ҷойдошта бо роҳи гуфтушунид ба созиш нарасанд, баҳсу ихтилофот дар суд аз рӯи маҳали ҷойгиршавии Хадамот ҳал карда мешаванд.
10. Шартҳои махсус
10.1. Созишнома ба Шарик гузаштани ҳуқуқҳои истисноӣ ба пойгоҳи маълумотро пешбинӣ намекунад, бинобар ин, Шарик ҳуқуқҳои дар Созишнома пешбинигардида қайди давлатиро талаб намекунад.
10.2. Созишнома шартномаи абонентӣ буда, аз Тарафҳо пешниҳод ва имзои санадҳои дутарафаи корҳои иҷрошударо талаб намекунад.
10.3. Тартиби истифодаи пойгоҳи маълумот қисми ҷудонашавандаи Созишнома мебошад.
10.4. Шартҳои Созишнома нисбат ба ҳамаи шахсоне, ки дар сомонаи Хадамот ба қайд гирифта шудаанд, истифода бурда мешаванд, агар бо шартномаи алоҳидаи Тарафҳо тартиби дигар муқаррар нашуда бошад.

Тартиби истифодаи пойгоҳи маълумоти Хадамот

1. Истилоҳҳо ва таърифҳо
1.1. Базаи маълумот – сохтори ташкилӣ, ки аз маҷмуи мавод, воситаҳои таъминоти техникӣ, барномавӣ ва дастгоҳӣ, инчунин усулҳо ва алгоритмҳо (рамзи барномавӣ) иборат буда, онҳо ҳамкории унсурҳои пойгоҳи маълумотро таъмин менамоянд ва мувофиқи алгоритми пойгоҳи маълумот барои мураттабсозӣ, нигаҳдорӣ, коркард ва табдили мавод пешбинӣ шудаанд. Ба маводи пойгоҳи маълумот тавассути замимаи мобилии Taxsee Driver дастрасӣ пайдо кардан мумкин аст.
1.2. Шарик – шахсе, ки шартҳои ҳамин Созишномаро қабул карда, дар асоси он ба истифодаи пойгоҳи маълумот ҳуқуқ пайдо намудааст.
1.3. Хадамот – шахси ҳуқуқие, ки ба Шарик ҳуқуқи истифодаи пойгоҳи маълумотро дар асоси ҳамин Созишнома, инчунин ҳуқуқи истифодаи замимаи мобилии Taxsee Driver-ро, ки барои гирифтани дастрасӣ ба пойгоҳи маълумот зарур аст, пешниҳод менамояд.
1.4. Замимаи мобилии Taxsee Driver – барнома барои МЭҲ, ки Хадамот ба Шарик пешниҳод менамояд ва барои дастрасии дури Шарик ба пойгоҳи маълумот пешбинӣ шудааст. Тартиби истифодаи замимаи мобилӣ бо созишномаи алоҳидаи Тарафҳо танзим мегардад.
1.5. Фармоиш – иттилооти пойгоҳи маълумот дар бораи талабот ба иҷрои намуди муайяни корҳо (пешниҳоди намуди муайяни хизматрасониҳо), ки вобаста ба намуди фармоиш параметрҳои муайян дорад ва ин параметрҳо дар ҳамин ҳуҷҷат нишон дода шудаанд.
1.6. Арзиши фармоиш – маблағи воситаҳои пулӣ, ки шахси фармоишдиҳанда ба Шарик пардохт менамояд.
1.7. Ҳисоби шахсӣ – ҳисобе, ки дар он пешпардохтҳои Фармоишдиҳанда ба қайд гирифта мешаванд ва аз он воситаҳои пулӣ ба сифати музд барои пешниҳоди дастрасӣ ба пойгоҳи маълумот хориҷ мегарданд. Ҳисоби шахсӣ рақами ягона дошта, аз тарафи Хадамот ташкил карда мешавад.
1.8. Тавозуни ҳисоби шахсӣ – фарқи лаҳзаи муайяни вақт дар байни маблағи воситаҳои пулӣ, ки ба ҳисоби шахсӣ ворид карда шудааст ва аз ҳисоби шахсӣ хориҷ гардидааст.
1.9. Фармоишдиҳанда – шахсе, ки фармоиши хизматрасонии интиқолро тавассути Хадамот амалӣ менамояд.
2. Муқаррароти умумӣ
2.1. Ҳамин ҳуҷҷат шартҳо ва тартиби ба Шарик пешниҳод намудани дастрасӣ ба пойгоҳи маълумотро тавсиф намуда, қисми ҷудонашавандаи созишномаи субиҷозатномадиҳӣ мебошад, ки ин созишнома дар байни Шарик ва Хадамот баста шудааст.
2.2. Фаъолияти Хадамот ҷиҳати ҷамъоварию нигаҳдорӣ ва мураттабсозии иттилоот, ташкили пойгоҳи маълумот, инчунин муносибатҳои ҳуқуқӣ дар байни Шарик ва Хадамот барои пешниҳоди дастрасӣ ба пойгоҳи маълумот тибқи муқаррароти Қонуни ҶТ “Дар бораи Иттилоот” аз 10. 05. 2002 сол, қонуни ҶТ “Дар бораи ҳифзи иттилоот” 02. 12. 2002 сол ба роҳ монда мешавад.
2.3. Тибқи моддаи 8-и Қонуни ҶТ “Дар бораи иттилоот” Субъектҳои муносибатҳои иттилоотӣ ба имконияти озодона гирифтан, истифода намудан, паҳн кардан ва ҳифз намудани маълумоте, ки ҷиҳати татбиқи ҳуқуқ, озодӣ ва манфиатҳои қонунӣ, анҷом додани мақсад ва вазифаҳои онҳо заруранд, ҳуқуқ доранд. Иттилоот, тибқи қонунгузории амалкунандаи Ҷумҳурии Тоҷикистон, ба иттилооти паҳншавиаш маҳдуд ё манъшуда нисбат дода нашудааст.
2.4. Иттилоотеро, ки Шарик ба он дастрасӣ пайдо мекунад, мувофиқи салоҳдиди худ истифода бурда метавонад.
2.5. Пойгоҳи маълумот дастрасӣ ба маводи зеринро барои Шарик имконпазир мегардонад:
2.5.1. Маълумот дар бораи талаботи мавҷуда ба хизматрасонии интиқоли мусофирон ва бағоҷ;
2.5.2. Маълумот дар бораи талаботи мавҷуда ба хизматрасонии интиқоли бор;
2.5.3. Маълумот дар бораи талаботи мавҷуда ба корҳои боркунию борфурорӣ.
2.6. Маводи пойгоҳи маълумот дар бораи талаботи мавҷуда ба хизматрасонии интиқоли мусофирон ва бағоҷ иттилоот дар бораи фиристодани воситаи нақлиёти автомобилӣ, ки барои интиқоли мусофирон ва бағоҷ пешбинӣ шудааст, инчунин иттилоот дар бораи вақт ва ҷои фиристодани воситаи нақлиёти автомобилӣ, категорияи воситаи нақлиёти автомобилӣ, хатсайри интиқол, маълумот дар бораи мусофирон, арзиши фармоиш ва иттилооти дигарро, ки мазмуни онро Хадамот муайян менамояд, дар бар мегирад.
2.7. Маводи пойгоҳи маълумот дар бораи талаботи мавҷуда ба хизматрасонии интиқоли бор иттилоот дар бораи вақт ва ҷои гирифтани бор, тавсифҳои бор, инчунин иттилоот дар бораи хатсайри интиқол, нуқтаи таҳвил, маълумот дар бораи шахсони тамос, арзиши фармоиш ва иттилооти дигарро, ки мазмуни онро Хадамот муайян менамояд, дар бар мегирад.
2.8. Маводи пойгоҳи маълумот дар бораи талаботи мавҷуда ба корҳои боркунию борфурорӣ иттилоот дар бораи вақт ва ҷои фиристодани борбардорон (ҳаммолон), тавсифҳои бор, арзиши корҳои боркунию борфурорӣ ва иттилооти дигарро, ки мазмуни онро Хадамот муайян менамояд, дар бар мегирад.
3. Ворид намудани тағирот ба ҳамин тартиб
3.1. Хадамот бо тартиби яктарафа ба ҳамин тартиб тағирот ворид намуда, тағироти дахлдорро дар сомона бо суроғаҳои https://taximaxim.tj ва https://taximaxim.com ҷойгир мекунад. Тағироти зикргардида бо гузашти 7 (ҳафт) рӯзи тақвимӣ аз рӯзи дар сомона нашр шудан мавриди амал қарор мегиранд.
3.2. Ҳамагуна тағироти тартиб аз лаҳзаи мавриди амал қарор гирифтан ба ҳамаи шахсоне, ки пойгоҳи маълумотро истифода мебаранд, аз ҷумла ба шахсоне, ки истифодаи пойгоҳи маълумотро пеш аз санаи мавриди амал қарор гирифтани тағирот шурӯъ карда буданд, паҳн мегарданд. Дар ҳолати бо тағироти воридгардида норозӣ будан, Шарик бояд истифодаи пойгоҳи маълумотро қатъ намуда, дар ин бора ба Хадамот хабар диҳад.
4. Ҳуқуқу уҳдадории Тарафҳо
4.1. Ҳуқуқҳои Хадамот:
4.1.1. Аз Шарик иҷрои шартҳои тартибро талаб кунад;
4.1.2. Дастрасии Шарикро ба пойгоҳи маълумот бо тартиб ва шартҳои муқаррарнамудаи ҳамин тартиб боздорад ё қатъ гардонад;
4.1.3. Ба тартиб тағирот ворид намояд;
4.1.4. Сабти суҳбатҳои телефонӣ бо Шарикро бо мақсади назорати дохилии сифати хизматрасониҳо ба роҳ монад;
4.1.5. Корҳои танзимиро ҷиҳати хизматрасонии техникӣ ва ворид намудани тағирот ба кори пойгоҳи маълумот ба роҳ монад. Дар давраи иҷрои корҳои зикршуда дастрасии Шарикро ба пойгоҳи маълумот ба муҳлати пешбурди корҳои дахлдор боздоштан мумкин аст;
4.1.6. Дастрасии Шарикро ба пойгоҳи маълумот боздорад, агар тавозуни ҳисоби шахсии ӯ то лаҳзаи аз тарафи Шарик пур кардани ҳисоби шахсии худ аҳамияти сифр ё манфӣ қабул карда бошад.
4.1.7. Дар ҳолати дар салони автомобили Шарикро мондани молу мулки Фармоишдиҳанда, ба Фармоишдиҳанда телефони тамоси Шарикро бо мақсади зудтар баргардонидани молу мулки дар салони автомобил монда пешниҳод карда шавад.
4.1.8. Дигар амалҳои ба қонунгузории амалкунандаи Ҷумҳурии Тоҷикистон ва шартҳои тартиб мухолифнабударо анҷом диҳад.
4.2. Уҳдадориҳои Хадамот:
4.2.1. Ба Шарик дастрасӣ ба пойгоҳи маълумотро пешниҳод карда, коршоямии пойгоҳи маълумот, инчунин дастрасии муттасили Шарикро ба пойгоҳи маълумот таъмин намояд, ба истиснои ҳолатҳои иҷрои корҳои танзимӣ ҷиҳати хизматрасонии техникӣ ва ворид намудани тағирот ба кори пойгоҳи маълумот, инчунин ҳолатҳои пайдо шудани нуқсони техникӣ;
4.2.2. Ҳуқуқи истифодаи замимаи мобилиро, ки барои дастрасӣ ба пойгоҳи маълумот зарур аст, ба Шарик пешниҳод намояд;
4.2.3. Пардохтҳои Шарикро саривақт дар ҳисоби шахсии ӯ ба ҳисоб гирад;
4.2.4. Кӯшишҳои дастрасии беиҷозат ба иттилооти аз тарафи Шарик пешниҳодшаванда ва ба шахсоне, ки ба муносибатҳои ҳуқуқии Тарафҳо муносибати бевосита надоранд, додани ин иттилоотро саривақт ошкор ва пешгирӣ намояд;
4.2.5. Иттилоот дар бораи Шарикро бе розигии ӯ тағир надиҳад ва таҳрир накунад.
4.3. Ҳуқуқҳои Шарик:
4.3.1. Аз Хадамот талаб кунад, ки сифати мувофиқи дастрасӣ ба пойгоҳи маълумот тибқи шартҳои тартиб, аз ҷумла хизматрасонии техникӣ ва машваратӣ пешниҳод карда шавад.
4.4. Уҳдадориҳои Шарик:
4.4.1. Фармоиши ба иҷро қабулшударо тибқи шартҳои он иҷро кунад;
4.4.2. Пардохти хизматҳои расонидашуда ҷиҳати дастрасӣ ба пойгоҳи маълумотро ба андозаи муқаррарнамудаи тартиб анҷом диҳад;
4.4.3. Дар ҳолати аз тарафи Хадамот анҷом дода шудани ягон пардохт ба манфиати Фармоишдиҳанда вобаста ба сифати номувофиқи расонидани хизматҳо аз тарафи Шарик (кормандон ва/ё контрагентҳои ӯ), Шарик уҳдадор мешавад, ки зарарҳои ба ин сабаб расонидашударо ба Хадамот ҷуброн намояд. Ҷуброни зикргардида бо роҳи хориҷ намудани воситаҳои пулӣ аз ҳисоби шахсии Шарик ба амал бароварда мешавад.
Дар ҳолати аз тарафи Шарик содир шудани амалҳое, ки барои онҳо қоидаҳои Хадамот муҷозоти ҷаримавиро пешбинӣ намудаанд, аз ҳисоби шахсии Шарик ба манфиати Хадамот воситаҳои пулӣ ба ҳадди муҷозоти пешбинигардида хориҷ карда мешаванд. Рӯйхати вайронкуниҳо ва ҷавобгарии пешбинигардидаи Шарик дар замимаи мобилии Taxsee Driver ҷойгир гардидааст.
Дар ҳолати нокифоя будани воситаҳои пулӣ, муҷозоти ҷаримавие, ки дар давоми давраи ҳисоботӣ ҳисоб карда шудааст, қарзи дебитории Шарик мебошад ва бо тартиби навбати аввал ҳангоми аз тарафи Шарик пур кардани ҳисоби шахсӣ пардохта мешавад.
4.4.4. Ҳангоми иваз шудани маълумоти баҳисобгирии пештар ба Хадамот пешниҳодгардида, инчунин ҳангоми фаро расидани вазъиятҳое, ки иҷрои фармоишҳоро ғайриимкон мегардонанд, фавран дар ин бора ба Хадамот хабар диҳад.
5. Тартиби муайян намудани арзиши фармоиш
5.1. Арзиши фармоишро Шарик муайян менамояд.
5.2. Шарик ба Хадамот дар бораи тарифҳои истифодашаванда маълумот мефиристад. Хадамот арзиши фармоишро дар асоси маълумоти пешниҳоднамудаи Шарик ва бо назардошти параметрҳои ҳар як фармоиши мушаххас ҳисоб мекунад.
5.3. Ҳангоми ҳисоббаробаркунӣ дар байни Фармоишдиҳанда ва Шарик дар шакли ғайринақдӣ Хадамот ба сифати агент баромад карда, аз ном ва аз ҳисоби Шарик дар қисми қабули воситаҳои пулии Фармоишдиҳанда барои гузаронидани онҳо ба ҳисоби шахсии Шарик амал менамояд. Хадамот уҳдадориҳои агенти Шарикро танҳо дар қисми таъмини қабули воситаҳои пулии Фармоишдиҳанда ба зимма мегирад ва ягон ҳуқуқу уҳдадориҳои дигари Шарикро ба зимма намегирад.
6. Андозаи подошпулии Хадамот ва тартиби ҳисоббаробаркунӣ
6.1. Андозаи подошпулии Хадамот барои пешниҳоди дастрасӣ ба пойгоҳи маълумот дар шакли ҳиссаи маблағи аз даромади (фоидаи) Шарик ҷудошуда муайян мегардад.
6.2. Андозаи подошпули дар маълумот дар бораи фармоиш ки аз ҷониби Шарик қабул шудааст дар барномаи мобилии Taxsee Driver, нишон дода шудааст.
6.3. Андозаи подошпулӣ аз ҷониби Хадамот муқаррар карда мешавад. Шарик бояд бо андозаи подошпули пеш аз оғози фармоиш шинос шавад, дар ҳолати норози будан аз иҷрои фармоиш даст кашад. Қабули фармоиш аз ҷониби Шарик, маънои онро дорад ки ӯ бо андозаи подошпулии нишондодашуда рози мебошад.
6.4. Пардохти подошпули аз ҷониби Шарик  ва дар ҳаҷми муайяннамудаи ӯ  бо низоми пешпардохт ва бо роҳи ворид намудани мабалағҳои пулӣ ба суратҳисоби шахсӣ сурат мегирад.
6.5. Пардохти хизматрасонӣ бо роҳи аз ҳисоб гузаронидани (баровардани) маблағҳои пулӣ  дар ҳаҷми баробар ба арзиши подошпулӣ аз суратҳисоби шахсии Шарик дар лаҳзаи қабули фармоиш амали мегардад.
6.6. Пур кардани суратҳисоби  шахсӣ бо роҳи  пешпардохт,  тариқи  кортҳои бонкӣ тавассути терминалҳои  худидоракунӣ, таввасути интиқоли  маблағ ба суратҳисоби бонкӣ  ё ворид намудан ба хазинаи Хадамот  (ҳангоми мавҷуд будани имкониятҳои техникӣ) анҷом дода мешавад.
7. Ҷавобгарии Тарафҳо
7.1. Ҷавобгарии Хадамот:
7.1.1. Хадамот барои иҷрои уҳдадориҳои худ тибқи қонунгузории Ҷумҳурии Тоҷикистон ҷавобгариро ба зимма мегирад;
7.1.2. Хадамот барои пурра ё қисман қатъ шудани дастрасии Шарик ба пойгоҳи маълумот вобаста ба иваз намудани таҷҳизот, таъминоти барномавӣ ё иҷрои дигар корҳои танзимӣ, ки аз боиси зарурати нигаҳдории коршоямӣ ва рушди воситаҳои техникии Хадамот ба миён омадаанд, ҷавобгариро ба зимма намегирад;
7.1.3. Хадамот барои таваққуф дар пешниҳоди дастрасии Шарик ба пойгоҳи маълумот дар ҳолати нуқсони таъминоти барномавӣ ё таҷҳизоти ба Хадамот тааллуқнадошта ҷавобгариро ба зимма намегирад;
7.1.4. Хадамот барои зарар ва фоидаи аздастрафта, ки дар натиҷаи истифодаи пойгоҳи маълумот ба Шарик расонида шудааст, ҷавобгариро ба зимма намегирад;
7.1.5. Хадамот барои зараре, ки аз тарафи шахсони сеюм ба сабаби аз тарафи Шарик истифода шудани пойгоҳи маълумот ба ӯ расонида шудааст, ҷавобгариро ба зимма намегирад.
7.2. Ҷавобгарии Шарик:
7.2.1. Шарик барои иҷрои уҳдадориҳои худ тибқи қонунгузории ҶТ ҷавобгариро ба зимма мегирад;
7.2.2. Шарик дар назди шахсе, ки фармоиш додааст, барои иҷрои мувофиқи ҳамин фармоиш, инчунин барои ҳамагуна зарари ба ӯ расонидашуда мустақилона ҷавобгариро ба зимма мегирад;
7.2.3. Шарик барои зараре, ки аз тарафи шахсони сеюм ҳам ба сабаби иҷрои фармоиш ва ҳам бо амалҳои ба иҷрои фармоиш вобастанабуда расонида шудааст, ҷавобгариро ба зимма мегирад. Дар ин сурат, Хадамот бо мақсади танзими зудтари баҳсҳо дар байни Шарик ва Фармоишдиҳанда ба сифати миёнарав баромад карда метавонад.
8. Шартҳои махсус ва маҳдудияти ҷавобгарӣ
8.1. Шарик бо қабули шартҳои ҳамин низомнома эътироф менамояд, ки ӯ иттилооти дар доираи иҷрои ҳамин тартиб ба он дастрасӣ пайдокардаашро мустақилона ба манфиатҳои худ ва таҳти ҷавобгарии худ истифода мебарад. Шарик огоҳ аст, ки дар ҳолати бо мақсади соҳибкорӣ истифода бурдани иттилоот, ӯ бояд мустақилона ба сифати соҳибкори инфиродӣ ба қайд гирифта шавад ё фаъолиятро дар шакли шахси ҳуқуқӣ ба роҳ монад, инчунин риояи талаботи қонунгузории амалкунандаи Ҷумҳурии Тоҷикистон, ки фаъолиятро дар соҳаи интиқоли мусофирон ва бағоҷ, интиқоли бор, иҷрои корҳои боркунию борфурорӣ танзим мекунад, бо назардошт, вале бе маҳдудият: талаботи Қарори Ҳукумат аз 30.12.2009 № 696 “Оинномаи нақлиёти автомобилии Ҷумҳурии Тоҷикистон”, Фармоиши Вазири нақлиёт аз 14. 11. 2017 сол №260 “Дар бораи қоидаҳои интиқоли мусофирон ва бағоҷ тавассути нақлиёти автомобилӣ”, меъёру қоидаҳои техникаи бехатарӣ ва ҳифзи меҳнат, муқаррароти дигар санадҳои меъёрии ҳуқуқиро таъмин намояд
8.2. Хадамот ягон уҳдадории ҷуброни зарар, аз ҷумла фоидаи аздастрафтаро, ки аз тарафи шахсони сеюм ба Шарик расонида шудааст, ба зимма намегирад.
8.3. Хадамот дар назди Шарик барои ҳамагуна амалҳои шахсони сеюм, ки дар натиҷаи ин амалҳо ба Шарик ягон зарар, аз ҷумла дар намуди фоидаи аздастрафта расонида шудааст, ҷавобгариро ба зимма намегирад.
9. Вазъияти қувваи бартарафнашаванда
9.1. Асосе, ки Тарафҳоро аз ҷавобгарӣ озод менамояд, амали қувваи бартарафнашаванда аст. Таҳти қувваи бартарафнашаванда ба маънии ҳамин банд вазъиятҳое фаҳмида мешаванд, ки дар моддаи 432-и Кодекси граждании Ҷумҳурии Тоҷикистон зикр гардидаанд.
9.2. Тарафе, ки ба амали қувваи бартарафнашаванда дучор шудааст, уҳдадор мешавад, дар бораи пайдоиш, намуд, давомнокии имконпазири амали қувваи бартарафнашаванда ва дар бораи ба иҷрои маҳз кадом уҳдадориҳо монеа эҷод кардани он фавран дар шакли хаттӣ ба Тарафи дигар хабар диҳад.
9.3. Тарафе, ки ба амали қувваи бартарафнашаванда дучор шуда, дар ин бора хабар надодааст, дар оянда амали қувваи бартарафнашавандаро чун асосе, ки ӯро аз ҷавобгарӣ озод менамояд, далел оварда наметавонад.
10. Моликияти зеҳнӣ
10.1. Шарик ба истифодаи нишони тиҷоратии хадамоти “Максим” бо мақсади паҳн намудани рекламаи тарзҳои фармоиш ҳуқуқи маҳдудро ба даст меорад
10.2. Шарик ҳақ дорад, мустақилона амалҳоеро анҷом диҳад, ки ба пешбурди (рекламаи) рақами телефон, дигар тарзҳои иҷрои фармоиш, аз ҷумла бо роҳи ҷойгир намудани реклама дар воситаҳои нақлиёти Шарик равона шудаанд. Илова бар ин, Шарик барои мутобиқати реклама (аз ҷумла мазмун ва ҷойгиршавии он) ба талаботу меъёрҳои қонунгузории амалкунанда мустақилона ҷавобгариро ба зимма мегирад.